Recentni projekti
Za recentne projekte štere sme spreveli v Kajkavski regiji ter internacionalno, se prosimo naluknete pod Novine.
Ovder je cela lista glavnešeh projektov i rezultatov do 10. meseca 2015.
Mario Jembrih
About Mario Jembrih
Posts by Mario Jembrih:
Kajkavska Renesansa je na denešnji den postala 3 lete mlada!
Vse je začelo tak kaj su se 3 peršone pod večer v jesen skupili pri peči i pri jognju se dospomenuli o deluvanju. Vtemeljujuči člani su bili umetnica Ivana i arhitektica Tajana Tkalčič, ter Mario Jembrih, a potlem su došle i druge mlade snage.
Sljeduvalo je 3 let teškega i kontinuiranega online dela, i na petek i na svetek. V čim krajše vreme čim več rezultatov. Program je (bil) delati visoko vidljive projekte v javnosti šteri stvarjaju pozitivnu i oderživu razliku v društvu. Nikaj novega, tak vsi drugi delaju v svietu. A to znači nie delati pro-forma projekte, nego nekaj kaj bu ostalo i budučem generacijam, a visoka vidljivost je važna radi niske prezentnosti Kajkavskega jezika i kulture v klasičnem i novem medijom.
Za 3 lete smo vuspeli napraviti:
- Mednarodni jezični ISO kod kjv i priznanje Kajkavskega književnoga jezika – Mario Jembrih
- Portal o Kajkavskom jeziku na Kajkavskom jeziku – Martin Bagič i Mario Jembrih
- 10 jezer poseti v prva 4 meseca
- Terra Kajkaviana Magica.eu – Portal poviestno-kulturne Kajkavske regije
- prek 150 člankov o etno/eko zanimljivostjum na hrvatskom & engleskom
- 3 jezer posetiteljov na mesec z cieloga svieta
- napravili Mario Jembrih, Ivana Tkalčič, Goran Žurič, Irena Sophia, Snježana Jurišić, Tajana Tkalčič
- Kajkaviana Magica – Facebook kulturno-edukacijska zadruga
- jedina stranica štera publicira čistam na Kajkavskom jeziku
- prek 2550 aktivneh pratiteljov
- Ilustrirani kajkavski abecedar. Poster, YouTube filmek z zgovorom reči s prek 3 jezer pogledov – Grgo Petrov
- Knjižica z peldami Kajkavskoga književnoga jezika – Mario Jembrih
-> 6 interview-i/člankov vu vseh glavneh novinah (Večernji, Jutarnji, Slobodna Dalmacija, Novi List), 4 v lokalneh (Međimurje, Zagorski List) – Mario Jembrih
-> 2 članka v novinah gradiščanskeh Hrvatov – Hrvatske novine – Mario Jembrih
-> Prek 20 člankov na online portalom i novinah (eMeđimurje, Zagorje.com, regionalni.com, lokal.hr, monitor.hr, ..)
-> 3 publikacije + 1 prezentacija na navučnom skupu (Mario Jembrih),
-> 5 prezentacij na javnem i školskom pripetjenjem (Mario Jembrih, Grgo Petrov)
-> Kooperacije s 10 škol (Grgo Petrov i Mario Jembrih)
-> Sudelovanje na 2 moderne izložbe (Ivana Tkalčič i Tajana Tkalčič)
-> 13 radio nastupov (Mario Jembrih)
-> 2 javne konferencije, Zagreb – organizacija Snježana Jurišič, Tajana Tkalčič, Marina Robina, Mario Jembrih. 2. svečana konferencija je vuspela skupiti 1. krat vse glavne kajkavske zadruge na jenom mestu v Zagrebu – v svečani dvorjani Novinarskega doma.
-> Zahvaljujemo vsem delnikom v skupnem renesansnem podvzetju –
Akoš Dončec, Josip Silić, Alojz Jembrih, Jasna Horvat i zadruga Ivana Perkovca, Ivana Klinčič, Željka Bujan, Snježana Crnekovič i OŠ Voltino, Danica Pelko i Mala Kajkaviana, Katarina Franjo i Marica Cik Adakovič i OŠ Virje, Martina Šobar i 1. Gimnazija Zagrebečka; Leonida Udovičič, Nada Vukašinovič i OŠ v Soblincu i Adamovcu; Vesna Kantoci i OŠ Oroslavje, Vino Lovrec, Nada Klašterka, Davor Dolenčič, Margareta Knez, Anđelko Kralj i Domjaničeve Noči, Stjepan pl. Čunčič i Plemenita Občina Turopoljska, Zvonko Kudelič Žuna, Helena Kušenič i Muzej grada Koprivnice; Rajko Fureš, Marijan Zanoški i Muži Zagorskoga Serdca; Danijel Berković, Ivan Zelenič, Ines Krušelj-Vidas i Kajkaviana, Irena Plejič Premec, Willem Vermeer, António Carlos de Valera, Ivana Beti i OŠ v Draškovcu.
-> Za inspiraciju – Juraj Habdelič, Tomaš Mikloušič i 100letni kolendar, Miroslav Krleža i njegve vizionarske, šamanske-danteovske putuvanje črez Balade gde je videl da ilerskeh klimavcov prenemagenje konec ni; Anton Krizmanič i Raj Zgublen (Paradise lost), Kajkavska Biblija, Zrinski i njihovo zavzemanje za Kajkavski književni jezik, kajkavska ruralna arhitektura, bregi i doli, trnaci i gorice, rieke, struge i jezerišča, i križna drieva našeh predkov,
UNESCO konvencija o Kulturni Vsakojačkosti, Agenda21 za kulturu, Austrijska Piknja Kulturnega Kontakta, Henry David Thoreau (kaj jenkrat dobre naprajiš, naprajiš dobre za navek), Bela Hamvas i Arundhati Roy, Steve Jobs (Naj biti vlovljeni vnuter dogme, kaj znači živeti z rezultatom mišljenja drugeh ljudi), Bašo (Ne išči kaj buš sljeduval trage starešeh, išči kaj su oni iskali).
Pratite nas i dalje – za drugo leto pak pripravljamo par iznenađenj!
I najte dati kaj nam tie naš jezeroletniKajkavski jezik prepane!
Če zgubiš jezika, zgubiš kulturu, intelektualno dobro, umetničko delo!
Nastupanja Kajkavske Renesanse v medijom
2015
- Radio-emisije o Kajkavskom i njegvom jezičnom kodu se moru posluhnuti ovder
- Jutarnji List o priznanju Kajkavskoga književnoga jezika, autor Inoslav Bešker: Kajkavski je jezik, a ne dijalekt
- Večernji list je objavil na 2 stranice v svojem glavnom izdanju članka o jezičnom kodu za Kajkavski književni jezik: www.vecernji.hr/knjizevni-kajkavski-napokon-je-dobio-kod-i-mjesto-medu-svjetskim-jezicima-984502
- Novi list je objavil jako zanimljivoga članka o priznanju Kajkavskoga književnoga jezika, te o vezami s Čakavskim: www.novilist.hr/Kultura/Mario-Jembrih-Kajkavski-na-svjetskoj-pozornici-jezika
- eMedjimurje je objavil članka o kodu www.emedjimurje.hr/drustvo/knjizevni-kajkavski-jezik-postal-internacionalno-priznati-jezik
- Hrvatske novine v Gradišču, Austrija su objavile vijest o jezičnom kodu za Kajkavski književni jezik
- Monitor.hr, evarazdin i drugi elektronski mediji su isto preneli viest o jezičnom kodu za književni kajkavski
- Predsednik Kajkavske Renesanse Mario Jembrih je gostuval na Radiju Sljeme i Hrvatskom katoličkom radiju te je pripovedal o ISO jezičnom kodu i kajkavskom književnom jeziku:
- Emisija o kulturi – Hrvatski katolički radio
- Kajkavijana – Radio Sljeme
2014
- Gostuvanje predsednika zadruge Maria Jembriha na Radiju Student, emisija “Od ugla do kantuna”
Posluhnite emisiju na SoundCloudu! - objavljeni članek v eMedjimurje.hr o javnoj tribini o stanju Kajkavskoga jezika u Zagrebu
- objavljeni članek v eMedjimurje.hr o novem kulturnem projektu Kajkavske Renesanse – Portalu Kajkavske kulturne regije Kajkaviana Magica
- objavljeni članek v regionalni.com o novem kulturnem projektu Kajkavske Renesanse – Portalu Kajkavske kulturne regije Kajkaviana Magica
2013
- Gostuvanje predsednika zadruge Maria Jembriha na Radiju Student, emisija “Od ugla do kantuna“
- Gostuvanje predsednika zadruge Maria Jembriha na Radio Sjeverozapad u Varaždinu, emisija “Kak si kaj?“
- Gostuvanje predsednika zadruge Maria Jembriha na Kult Radiju, Varaždin, emisija “Klopotec”
- objavljeni članek v eMedjimurje.hr o Kajkavski Renesansi i Portalu Kajkavskoga jezika
- objavljeni članek v Večernjem Listu o Kajkavski Renesansi i Portalu Kajkavskoga jezika (link i članek spod)
- objavljeni članek na monitor.hr o Kajkavski Renesansi i Portalu Kajkavskoga jezika
- objavljeni članek v regionalni.com o Kajkavski Renesansi i Portalu Kajkavskoga jezika
Kajkavski književni jezik je mednarodno priznáti
Vu ovo doba globalizacije gda jeziki nestaju, Kajkavski književni jezik je pak postal internacionalni priznáti jezik!
Projekta priznanja je iniciral i speljal Mario Jembrih, a zahteva su poduprli vodeči vsevučilišni profesori.
Kajkavski književni jezik je verjatno najvažneše nasljeđe Kajkavcov, tak da se oni imaju s čem štimati!
Denes se več ne koristi vu ti meri kak se predi koristil, ali i denes on povezuje vse Kajkavske dijalekte, a dela na njem se išče izvađaju v javnosti, kak meše i kazališna dela.
Od 16. do konca 19. stoletja je napisana velka i bogáta književnost na njem v Europskim dimenzijami, a i Krleža je napisal svoje Balade na njem.
Potlem je bil zapuščeni na leta, no pred par dni – 12.1.2015. je književni Kajkavski jezik na našu inicijativu dobil važnost štera mu i spada, kajti je postal internacionalno priznati jezik od ISO, a kod za književni Kajkavski jezik “kjv” je mam vključeni i v Wikipediju!
Priznanje je obilježeno svečanom konferencijom v Zagrebu, na šteroj smo po 1. put na jenom mestu vuspeli skupiti vse glavne Kajkavske zadruge, ter vsevučilišne profesore, vučiteljke i vučitelje, studente i vse druge zainteresirane.
Vre 8 škol koristi Ilustriranoga Kajkavskoga Abecedara
Med njimi su temeljne i srednje škole v Zagrebu, Zagorju, Prigorju i Podravju!
Liepo dizajniranoga, modernega kajkavskoga abecedara je moguče dobiti v formatu A1 i A3 za škole ili za osobnu upotrebu!
Kajkavska Renesansa surađuje s Osnovnom školom Voltino z Zagreba
Drago nam je povedati da zadruga Kajkavska Renesansa vuspešno surađuje s Osnovnom školom Voltino v Zagrebu i vučiteljicom Snježanom Crnekovič na području tradicionalne kulture i lokalneh jezičneh izražajov.
Oni koriste Ilustriranoga Kajkavskoga Abecedara pri vučenju rieči pa se tak deca od malih nogu pak vuče Kajkavski v Zagrebu! Tak budu imela kognitivnu prednost pred decom štera se ne vuče Kajkavski.
Održali smo v Zagrebu javnu tribinu o važnosti Kajkavskoga jezika za kulturu i “best practices” drugeh državi
Tribina o Kajkavskom jeziku, kulturnoj vsakojačkost i jezičnom kodu za Kajkavski je održana v Tribinam Grada Zagreba.
V truc velkom nevremenu i nogometu došli su zainteresirani studenti, vodeči profesori Zagrebečkoga Vsevučilišča s područja Kulture i Jezika, nastavnice Srednjih zagrebečkih škol, te član predsedništva ORaHA za kulturu i održivi razvoj.
Tribina je opširno najavljena na zagrebečkom Radio Studentu i www.emedjimurje.hr
Večernji list objavil članka o Portalu Kajkavskoga jezika
Skup s Večernjim Listom, i vodeči hrvatski portal monitor.hr je objavil viest o Portalu Kajkavskoga jezika te o inicijativi Kajkavske Renesanse.
Predsednik Kajkavske Renesanse Mario Jembrih je bil gost vu več radijskih emisij v Kajkavski regiji.